انتقد النائب محمد جميل الظهراوي ارتفاع تسعيرة الإجراءات الطبية لأطباء الأسنان في الأردن ، داعيا في الوقت ذاته لوضع تسعيرة محددة بعد الاختلاف في الأسعار من طبيب لآخر.

وقال الظهراوي في منشور على صفحته الخاصة على فيسبوك اليوم الخميس: "كل الأردنيين معهم سوء تغذية من ورا الأسنان معظم الاردنيين ما عندهم طواحين، الشب الاردني اذا ضحك ببيبنو  اللوز  لأن الأسنان  رايحة والطريق فاضية لأن الناس بتخلع الطاحونة والسن لأنها عارفة ان العلاج غالي ومابتقدر عليه”.

 وأضاف الظهراوي ” إذا بدك تعمل طاحونة أو سن في وزارة الصحة بدك يكتو الباقيين حتى تلحق دور”. 

وتابع "تسعيرة الإجراءات الطبية لأطباء الأسنان ماحدا بيقدر عليها وكل دكتور الو سعر وماحدا بلتزم بأسعار النقابة، سحب عصب وحشوة لسن واحد بدها اقل اشي ٥٠ دينار ، اذا بدك تزرع طاحونة زراعة الكلية أرخص منها”.

وختم الظهراوي منشوره قائلا: "الناس بيكفيها وجع القلب وهموم الأسعار لازم يكون في سعر محدود للإجراءات الطبية ولازم المراكز الصحية يكون فيها إجراءات سريعة وبأسعار رمزية لكافة علاجات الأسنان”.