نعى الشاب الأردني أحمد البوريني صديقه الطالب في الجامعة الاردنية عبدالله العياصرة بكلمات مؤثرة، موجها رسالة للشباب " تقربوا من ربكم" . 

وتاليا كلمات البوريني للراحل العياصرة : 

طول عمري وأنا مش مدرك الموت، مش مدرك شعور إنه شخص بتحبه يموت.

لحد ما مات صديقي وأخوي عبدالله ما تأثرت وما زعلت لأنه ما صدقت وما كنت مستوعب

أدركت إنه توفى لما أجت عيني بعين أمه ولما نزلناه ع القبر، والله العظيم عبدالله شخص حنون وصاحب صاحبه وقلبه أبيض

بدون أي سبب وبدون اي أعراض توفى، قبل ما يتوفى بنص ساعه كان يمشي ويضحك طبيعي بس فجأه صابته سكته قلبيه وتوفى..

عبدالله طالب بالجامعة الاردنية والمفروض الفصل الجاي آخر فصل اله، تعب وأجتهد وأشتغل كلشي وبكل مكان بمطعم وبمقهى وبقهوة وبسوبر ماركت، حكالي مرة: (إذا ما اشتغلنا وتعبنا وأحنا بالعشرين متى بدنا نشتغل ونتعب وأحنا بالأربعين) ربنا أخذ وديعته بالعشرين يا عبدالله..

قربوا من ربكم يجماعة، الموت ما بعرف صغير وكبير، عبدالله كان يضحك وما يعاني من اشي وفجأة توفى…

اليوم أول يوم اله بالقبر، أسألكم بالله تدعوله بالرحمة..

الله يسامحك ويغفرلك يحبيبي، الله معك يخوي