سهير جودة: الرجل الدنجوان مظلوم احيانا وبيتعامل مع الست كأنه بيلعب قمار 

أعربت الإعلامية سهير جودة، عن استيائها الشديد عن وصف الرجل الدنجوان بـ«الطفس»، قائلة: «ممكن تكون مش طفاسة بس تعاسة، ويبحث الرجل عن شئ ما، دايما بنحكم على الرجل في اختياراته الكثيرة أنه مش مكتفي أو أناني، وأن عينه مش مليانة وحتى لو معاه أجمل ست في الدنيا هو مش هيشوفها لأنه مش بيكتفي وعنده أنانية»

وأضافت سهير جودة في برنامجها الذي يحمل اسم «الستات»، والمذاع عبر فضائية «النهار»، قائلة: "الرجل الدنجوان مظلوم احيانا، ولازم نشوف الوجه الاخر منه، هو ممكن يبقى تعيس، فالأمر يشبه لعب القمار، عندما يخسر يستمر في اللعب فتزيد خسارته أكثر، لذلك هو دائما يبحث عن مواصفات جديدة في الست».

وتابعت سهير: «الرجل الدنجوان مش بيبقى حظه وحش هو حظه كويس جدا بس مش لاقي نفسه، كل علاقة بيبقى عايز فيها اكتمال، وهذا النوع من الرجال   بيبقى عندهم مشكلة بجد، وبيكونوا أتعس ناس».

وأوضحت: «هل في حد زي رشدي اباظة، اكيد مفيش حد زيه، ولما اتعمل معاه حوار اتكلم عن الستات ولما قرأناه كان بيتكلم عن الست وانه دايما كان بيدور على مواصفات معينة، فهذا الامر يجعلنا نفكر هل كل الدنجوانات معدومي الضمير والاحساس ولا في نوعية منهم عندهم مشكلة حقيقية وأنهم أشخاص تعساء في حياتهم ولديهم الكثير من عدم الفهم لفسهم واحتياجاتهم».

https://m.facebook.com/story.php?story_fbid=5696340197148370&id=100077530654190&mibextid=Nif5oz