وليد عليمات

لا تحكيلي امريكا بتقدملنا مساعدات .. لأنه كلنا بتعرف إنه المساعدات مشروطة وأداة ضغط سياسية ..مش زكاة أموال الأمريكيين 

.على فرض إنه المساعدات وصلتنا مثلا 

أمريكا  رأس النظام الرأسمالي و ما بتحط دولار في موضوع إلا لما تكون متأكدة إنه رح يرجع ١٠ دولار 

.

يا رجل ترامب قاعد يشلح الكوكب كله فلوس بدك يعطيك فلوس محبة وصداقة ..

.

لا تحكيلي أمريكا حليف .. لأنه الحلفاء بكون الهم هدف مشترك وعلى نفس السوية .. وأمريكا داعم للكيان اللي بده يهجر الضفة الغربية على الأردن وينهي قضية ف ل س طين على حسابك وحساب دمار بلدك  وترامب صرح بهالشي وكان رح ينفذه ..

.

بعدين انت ممكن تعذر الدولة في علاقاتها الدبلوماسية مع أمريكا نظرا لموازين القوى ولأسباب سياسية واقتصادية ... بس لا يمكن إنك تفرض على الشعب إنه يعتبر أمريكا صديقة أو يحب لقاء السفير ..

.

اللي بده يقابل السفير هو حر يتجاوز عن كل مساوئ أمريكا وبلاويها ويتعرى من كل قضاياه .. بس يستقبله في بيته هو ولا يحكي بإسم عشيرة أو منطقة ويحكي بإسمه هو فقط .. لا تخلي الشعب أداة لمصالحك الضيقة 

.

بالنهاية ما رح تقدر تسلخ الأردني من عقيدته وعروبته ومواقفه التاريخية تجاه قضاياه ويده يعبر بحرية عن رفضه لكل ما يخدش اردنيته 

.

موقف عشيرة الضمور .. هو جزء من هويتنا اللي تربينا عليها .. نحييهم ونحيي كل أردني حر 

.

.المهم 

اليوم اخذت لفة بالسيارة على أطراف سيل الزرقاء ... باتجاه جرش  واسعدني منظر عشرات الحجات المنتشرات في الجبال بحثا عن الخبيزة البعل ..

.

احنا نحب بلادنا