أكد رئيس الجمهورية المصرية عبد الفتاح السيسي، أن مصر لا تعاني من أزمة في السلع، داعيا المواطنين إلى النزول للأسواق وشراء كافة السلع التي تحتويها.

وأضاف السيسي خلال كلمته باحتفالية تكريم الأمهات المثاليات لعام 2022: "إحنا عندنا مشكلة في السلع؟.. لأ والله اعملوا اللي إنتو عاوزينه والله بحلف خدوا اللي إنتو عاوزينه وانزلوا عبّوا من الأسواق.. ولسه الجيش منزّل 2 مليون كرتونة وممكن ينزل 2، 3، 10، 20 عاملين حسابنا لكل حاجة”.

وتابع الرئيس المصري: "هلاقي حد طلع على مواقع التواصل ويقول السيسي قالنا متآكلوش، لأ كلوا واعملوا اللي إنتو عاوزينه.. والله أنا صادق وأمين والله يعلم ما في نفسي”.

وقال السيسي: "القمح كان يُفقد نتيجة لتداوله في شون مكشوفة ومخازن مفتوحة، وبالتالي كان يتعرض للقوارض والحشرات، ولدينا الآن مخزون القمح يكفي 4 شهور، معندناش مشكلة بفضلك يا رب مفيش سلع أساسية ولا في أي شيء، حاجتنا موجودة زي ما إحنا عاوزين وزيادة، وده بفضل من ربنا علينا وجهدكم (يقصد المصريين)”.

وضرب الرئيس المصري مثالا آخر، هو مستودعات البوتاجاز، مبينا أنه "كان عندنا مستودعات 8 أيام، وكانت كل دورة شتاء تيجي، تقف الموانئ مش قادرة تستقبل السفن المحملة بالبوتاجاز وتحصل مشكلة بوتاجاز، لكن خلاص بقى عندنا 35 يوم، ودكتور مصطفى مدبولي بيصحح لي وبيقولي دول شهرين، خلاص عملنا مستودعات للبوتاجاز وزيوت الطعام بنخزنها على أرضنا ونطلع منها وقت ما إحنا محتاجين”. (RT)