نيروز الإخبارية : قالت المترجمة للغة الإشارة والصم ضمن مبادرة "اتصال وتواصل" كارول جدوع، إنها فوجئت بمشروع الباص السريع لاعتناء القائمين على إنشائه بالأشخاص ذوي الإعاقة.
وكتبت جدوع في منشور لها عبر صفحتها الشخصية على موقع التواصل الاجتماعي "فيسبوك" عن تجربتها في ركوب الباص السريع ولقاءها صدفة بشاب من ذوي الإعاقة الحركية: "اليوم رحت أجرب الباص السريع ... وانا بيني وبين حالي بقول يا رب كل هالاستثمار يكون جد بخدم الأشخاص ذوي الاعاقة ويسهل حياتهم وانتقالهم...
بالصدفة بلاقي هالشب من ذوي الاعاقة الحركية بدو يركب الباص.. طبعا كيفت لانه هيك بقدر افهم منه تجربته....
قمت عرفت نفسي عالشب وعن مبادرة اتصال وتواصل (communicate and connect) وهو عرف عنه نفسه اسمه عزت عنده مبادرة اسمها تجربة عزت للتوعية عن حقوق الأشخاص ذوي الاعاقة وجاي يجرب الباص السريع...
بصراحة الباص السريع مشروع مش عادي... ما تخيلت ضخامة المشروع وفخامته غير لما شفته...وفيه توجيهات واهتمام رائع من ناحية الإعاقة البصرية واستخدام لغة البريل والإعاقة الحركية ..الباص كان في اله رمبا ممتازة بتحمل 350 كم... لكن للاسف الرصيف ما كان في رمبا وعزت اضطر ينط بالكرسي من الرصيف للشارع لرمبة الباص.... اللي ساعده أنه عنده عضلات وقدر يركب لحاله...بس غيره يمكن ما يقدر.... الباص السريع بدو شوية تعديلات بسيطة مثل عمل رمبات بكل محطات الانتظار والركوب ومظلات تحمي من الشمس والمطر للجميع".
وختمت جدوع منشورها الذي أرفقته بمجموعة من الصور لمشروع الباص السريع ومقطع فيديو، بالشكر لسمو الأمير مرعد رئيس المجلس الأعلى لحقوق الأشخاص ذوي الإعاقة، وأمانة عمان الكبرى على دعمهم لهذه الفئة.
