نيروز الاخبارية: تداول نشطاء على موقع التواصل الاجتماعي، شكوى لفتاة تحذر فيها من مخاطر المناهل غير المغلقة ليلا في شوارع وأرصفة العاصمة عمان.

وتقول الفتاة، إنها كانت تسير على الرصيف في منطقة شارع الجامعة بالعاصمة عمان، على الجهة المقابلة ليلا، وتفاجئت بوجود منهل غير محكم الاغلاق مشيرة الى أنها كادت أن تقع داخل المنهل.

وتقول الفتاة: رح احكي عن موضوع مهم جدا جدا جدا بتمنى الكل يقرأ وينتبه "قصة صارت معي شخصيا"، "كانت الدنيا ليل كنت ماشية مقابل الجامعة الأردنية على الجهة المقابلة وبمشي بأمان االله والمفروض ماشية على الرصيف اللي بيمشي عليه البني ادمين الطبيعين واللي المفروض هو المكان الآمن والمخصص للناس لتمشي عليه.

وفجأة بحس اني دعست على "منهل" والمنهل مو ثابت وبلش المنهل يقلب فيي ورح اوقع فيه والحمدالله معروف عنا اللي بيوقع "بمنهل" و يوم خميس و "ازمة" و "شارع الجامعة" بموت قبل ما يوصل اي حدا يساعده..فيها لطف من ربنا الحمدالله، بسرعة فكرت انه عندي خيارين بهاللحظة"
١ -بوقع بالمنهل وبموت
٢ -برمي تقلي كلو لقدام عشان ما أنزل فيه
وفعلا حطيت وزني كلو لقدام ورميت حالي لقدام طبعا اضررت ايديي ورجلي بس ربنا ستر وحماني والحمدالله رب العالمين، ورجعت للمكان بوقت نهار عندي حب فضول اعرف هل تصلح؟
هل بعد اللي صار معي صحاب المحلات اي حدا بالدنيا صلحه؟.. والحمدالله لقيت كلشي زي ماهو
انا حطيت مكانه بالزبط لحتى ماحدا يخسر حياته لا سمح االله وتخبرو اللي بتعرفوهم وبيمشو من الشارع، وان شاء االله الامانة تعمل شي، لاني اكتشفت "المواطن أرخص مانملك". رؤيا